有人奇怪我點解會將幾個月前去澳門玩既事攞番出黎講，
其實我都唔想....係因為....
話說玩到最尾果日，我臨走時"多手"將個澳門世遺護照抽獎券放左入個抽獎箱...點知...
早幾日收到電話，話我唔知中左咩獎，又話有金幣。
我第一時間諗應該係果d呃人電話，都想收佢線。
不過佢又話係澳門咩世遺護照抽獎，我又有少少印象係去過澳門黎，就即管聽下佢講。
佢話要寄封信俾我，但係話睇唔清楚我個名同地址(即係暗示我d字....
)
咁佢一路讀，我一路糾正佢，讀完哂後佢話遲d有信寄俾我。
收左線我都仲係半信半疑，第一我唔覺得自己會咁好彩，我小學成日買童軍獎券都未中過。
第二，去澳門都N個月之前既事，無理由而家先黎抽獎。
第三，應該唔會咁好心，睇唔到我寫d字應該抽過第二個或照寄，我收唔到都唔關佢地事架。
會唔會係執到我撕唔"乾淨"d信，打黎問我攞地址，去申請credit card/貸款之類。
果晚我即刻上網check，原來真係係打電話俾我果日有個終極大抽獎，同每個月抽獎果個唔同。
之後佢都有得獎名單公佈，我見到有我個名都安心D，知道唔係真係攞左我D資料去申請哩樣果樣。
我今日收到信，打左電話去，問佢究竟8oz金幣係咩金黎，係唔係咩k金，因為佢無寫清楚。
佢答:係千足金，1oz楓葉金幣八個，國際流通果隻，放心。
心諗:咁咪成幾...
但係成七日六夜澳門(3)+北京(3).....有d難度.....仲要兩個一齊同一時間咁得閒.....
不過北京我未去過，有人請我去點都要抽時間去，因為個獎得半年有效期....
