話說幾個月前....
澳門以前成日去，因為近近地又可以有離開香港果種渡假feel。
近幾年已經好少去，因為之前去得太多，玩到悶。
講番幾個月前，我book左2晚五星海景房，對正旅遊榙，可以安坐家中...sorry係房中，
就可以睇到煙花，好正!
由於相機唔多掂，夜晚影煙花影到朦茶茶，都係睇番日景相啦。
哩三張係由房間影出:
果幾日玩得幾開心，仲食到唔少好野。
最正係金沙個自助餐，可以由17:30食到23:00 !!!
百幾蚊食5個半鐘，抵到爛~
不過我地都係由17:30食到21:00，3個半鐘已經投哂降!
好明顯係消化既速度追唔上進食既速度。
同埋佢勁多野食，由街頭行去街尾我估都要成分鐘!
推介三文魚，勁新鮮又肥美，即叫即切，無限量供應，食到你唔食~
不過而家好似話轉左叫咩美食天地，唔知仲係唔係咁多食野同咁平既價錢呢。
若果無左真係好可惜，因為我夠膽講去澳門可以唔食豬扒包，可以唔食木槺布丁，
但一定唔可以唔去金沙食自助餐!
sorry...離哂題添...好喇，返黎喇 (似唔似曾sir 
)，雖然話咁好玩咁多野食，
但都唔會成日去，有時都想去下第二度，但遲下可能會再去....點解？
請留意下回分解~
