講下我有幾多野要碎，信用卡月結單、貸款宣傳品、家居電話費單、手提電話費單、電費、水費、石油氣費，保險、同埋公司文件等....
我又懶，大多數睇完唔理亂放，幾個月後多連自己到忍受唔到時，就會逐一撕左佢，都要搞幾個鐘先掂~
有時唔碎唔得，有個名有個地址又有咁多敏感性數字，公司文件更加唔想外洩。
今日終於見到有部一舊水到電動既碎紙機(手搞平廿蚊)，見佢又唔係咁大部屋企都擺得落，咁就買左佢番佢喇~
(內文大圖)
(點擊放大)
中間藍色果部就係喇，佢係乾、濕電兩用。
我買左排黑貓放落去玩左幾十張都好似無乜電淨，唔知黑貓係唔係咁差...
最後都係用番濕電，一聽聲就知勁好多，好明顯電池唔係好夠力推。
放係下面果疊就係要碎既野，因為只可以一張張咁碎，碎到而家我都未碎完，唯有聽日再努力!
而家買左佢，之後我唔會再儲到咁大疊先搞，可以一路上網，一路放紙入佢個口度，都係好輕鬆既動作黎姐~~
